罗伟鹏、李劲鹰、罗小军、国梁/文
旧时，南宁人食嘅嘢母多，而家想起身，有几样嘢印象仲系好深嘅，比如讲：炮米花、揼叮糖、鸡蛋饼、玻珠糖、鼻锅屎等，差母多就系阿几样。
其实，仲有一样嘢，大家一定都饮过，而且大多数屋企都做过，讲出嚟你哋肯定都有印象，阿样嘢就系当时全南宁都兴做嘅饮料——红茶菌。如果讲得母错嘅话，红茶菌系南宁头一批保健养生饮料。
红茶菌到底系咩嘢？你问而家嘅年轻人，佢哋肯定个个都矇喳喳。但系从40后到60后嘅“老嘢”，一定都清清楚楚。
记得系上个世纪80年代初，红茶菌开始从日本传过嚟，传到南宁母几耐，南宁人好似发痴咁，家家户户都做红茶菌。浸红茶菌阿种玻璃盎，就系平时腌柠檬、酸梅哋种盎。
红茶菌又喊做“海宝”、“胃宝”，系使糖、红茶、水再加菌种经过浸泡发酵后做成嘅，阿只样好似浸住一只大海蜇咁，一般浸够一个星期左右就可以饮赖。功效母错，可以活血养胃、调节血压、改善睡眠等。
有一次我哋同学聚会系外底食饭，饮得差不多有哋捞咩吤时候，有个同学无意中撩起话题倾起红茶菌，一下子个个都兴合合，你一句，我一句——
班花阿芬讲：“红茶菌酸酸甜甜，确实好饮。撸阵时去同学屋企耍，边个屋都睇见有一两瓶咁嘅嘢，而且大多数都放系客厅。”
南国街“一枝花”卫红讲：“我又见好饮捏！阿阵时听大人讲，饮阿只嘢对身体真系好好嘅。以前兄弟姐妹多，浸几多红茶菌都母够饮，所以我经常趁我老豆老乸母系屋嘅时候，偷偷笔几壳出嚟饮。”
留级生阿施讲：“痴嘿，我睇见都母想饮赖！望起身就好似医院里底使福尔马林浸住器官阿种瓶，饮起身似督尿咁，酸酸馊馊，母识几嘿肉酸。”
其实，而家我哋至识得，红茶菌原身就母系日本人发明嘅，先系起源我哋渤海一带，后嚟挨人带到前苏联，再系高加索一带培养应用。到赖1953年，日本嘅一个俄文女老师从高加索带返日本培养，然后再又从日本流传到世界各地。
本文内容由互联网用户自发贡献，该文观点仅代表作者本人。如发现本站有涉嫌抄袭侵权/违法违规的内容，请发送邮件至举报，一经查实，本站将立刻删除。本文链接： http://www.tgcxw.com/cybk/11707.html
